Fotos da eclipse total de Lúa do 21 de xaneiro de 2019

Fotos desde o incio da totalidade ata que se anubou, case ao inicio da parcialidade final, e unhas fotos da parcialidade capturadas no medio das nubes. Estaba a usar a cámara fotografando eclipse de lúa por primeira vez, e non todas as fotos quedaron ben, pero son aceptables.

Aquí anubouse e cando houbo un claro...

Aquí anubouse de todo

Eclipse total de lúa. Noite 20 ao 21 de xaneiro

Eclipse total de Lúa a noite de 20 ao 21 de xaneiro de 2019
A Lúa estará  no punto máis perto da Terra, polo que será unha "superlúa" e como nas eclipses totais vese vermella, "de sangue"

Datos:
Inicio da eclipse (empeza a Lúa a meterse na penumbra da sombra da Terra): 3h 36 min
Inicio da fase de parcialidade (empeza a Lúa a meterse na sombra da Terra): 4h 33 min

Inicio da totalidade (está toda a Lúa metida na sombra da Terra): 5h:41 min.   Altura 35º
Máximo da eclipse (a Lúa no centro da sombra da Terra):6h:12min.                Altura 30º
Fin da totalidade  (empeza a Lúa a saír da sombra da Terra): 6h:43 min.          Altura 24º

Fin da parcialidade (saíu a Lúa a da sombra da Terra): 7h 50 min
Fin da eclipse (saíu a Lúa a da penumbra da sombra da Terra): 8h 48 min.


Aconsello poñer o espertador para a fase que che apeteza ver (precisas unha ventá ao oeste). Se vas facer fotos, ensaia o modo "manual", deixa todo preparado antes de deitarte,...

Foto da eclipse de Lúa noite do 20 ao 21 de febreiro de 2008 (feita por min)

As próximas eclipses totais de Lúa visibles desde o Barbanza son:

• Luns 16 de maio de 2022
• Venres 14 de marzo de 2025
• Domingo 31 de decembro de 2028

Aplicación para android: que che di cando hai eclipse, como se ve (simulación),..., tés o link á dereita ou busca "serviastro Eclipse Calculator"

Captura, de pantalla do móbil, da simulación de Eclipse Calculator 2.0 para android.

Que o bo tempo nos acompañe! 

Xaneiro 2019

No mes de xaneiro poderemos ver tódolos planetas, visibles a simple vista. Podes consultar a visibilidade aquí:
http://oal.ul.pt/o-ceu-noturno-de-janeiro-em-2019/

Choiva de estrelas: Quadrántidas a noite do 3 ao 4 de xaneiro. Agárdase unha THZ de 120. Se estás interesado, consulta este link: http://www.somyce.org/index.php/news/100-observacion-visual/207-quadrantidas-2019

Temos eclipse total de lúa o 21 de xaneiro (noite do 20 ao 21, vai haber que poñer o espertador). Coincide coa Lúa no perixeo a 357300km da Terra, cando a distancia media anda polo 384400km, así que temos eclipse con superlúa.

• Inicio da eclipse:3:36h
• Inicio da parcialidade da eclipse: 4:33h
• Inicio da totalidade da eclipse. 5:41h
• Máximo da eclipse: 6:12h
• Fin da totalidade da eclipse:6:43h
• Fin da parcialidade da eclipse:7:50h
• Fin da eclipse:8:48h

Para as demais efemérides, podes consultar este vídeo, primeiro os eventos do ceu profundo (mínimo prismáticos ou telescopio) e despois o que podemos disfrutar a simple vista ou con prismáticos:

Efemérides do 2019

Estes van ser os eventos astronómicos destacados para o 2019, visibles desde o Barbanza:

• Eclipse total de lúa o 21 de xaneiro (noite do 20 ao 21)

• Eclipse parcial de lúa o 16 de xullo
• Tránsito de Mercurio o 11 de novembro (pasa mercurio por diante do disco solar).

O resto de efemérides para o 2019 son as seguintes:

Comezo das estacións:

• Primavera: 20 de marzo
• Verán: 21 de xuño
• Outono: 23 de setembro
• Inverno: 22 de decembro

Choivas de estrelas non afectadas gravemente pola lúa:

• Quadrántidas do 3 ao 4 de xaneiro. THZ de 120 e a lúa iluminada o 9%
• Eta acuáridas do 5 ao 6 de maio. THZ de 70 e a lua iluminada o 0%

Planetas (son visibles a simple vista ata saturno inclusive). Mellor momento:

• Mercurio á tardiña: 27 de febreiro, 23 de xuño e 20 de outubro.
• Mercurio á mañanciña:11 de abril, 9 de agosto e 28 de novembro.
• Venus á mañanciña 6 de xaneiro e vai acompañarnos pola mañá ata xullo e no outono verémolo á tardiña.
• Marte será visible á noitiña ata agosto, cada vez menos brillante.
• Xúpiter, visible todo o ano. Mellor momento 10 de xuño.
• Saturno empezará a ser visible á mañanciña a finais de xaneiro e visible todo ano. Mellor momento 9 de xullo.

 Outras efemérides:

• Terra no perihelio: 3 xaneiro a 0,9833UA.
• Terra no afelio: 4 de xullo a 1,10168UA.
• Lúa no perixeo (super lúas): 21 de xaneiro a 357300km, 19 de febreiro a 356800 km, 19 de marzo 359400 km, 2 de agosto a 359400 km, 30 de agosto a 357200 km, 28 de setembro a 357800 km.

Podes consultar a visibilidade dos planetas neste documento en pdf, deste link:
http://oal.ul.pt/documentos/2018/12/visibplan2019.pdf

 

Eventos destacados no mes de decembro de 2018

Neste vídeoí podedes consultar as efemérides do mes de decembro de 2018. Primeiro do ceu profundo (con prísmaticos ou telescopio) e despois a simple vista.